Verkefnastjóri á skrifstofu viðskiptadeildar

Viðskiptadeild Háskólans í Reykjavík leitar að kraftmiklum einstaklingi í fjölbreytt og krefjandi starf verkefnastjóra á skrifstofu deildarinnar. Starfið felst í fjölbreyttum verkefnum tengd námsbrautum deildarinnar í samvinnu við forstöðumann námsbrauta og skrifstofustjóra.

 

STARFSSVIÐ

  • Þjónusta og samskipti við nemendur og kennara.
  • Umsjón og skipulag námsbrauta við deildina í samvinnu við forstöðumann.
  • Utanumhald umsókna, skráning námskeiða og almenn upplýsingagjöf um námið til nemenda.
  • Þátttaka í markaðssetningu og kynningum á námsbrautum deildarinnar.
  • Önnur tilfallandi verkefni.

 

HÆFNISKRÖFUR

  • Háskólapróf í viðskiptafræði eða tengdum greinum.
  • Rík þjónustulund og lipurð í mannlegum samskiptum.
  • Mikil skipulagshæfni.
  • Frumkvæði og sveigjanleiki í starfi.
  • Fagmennska og vilji til að veita frábæra þjónustu.
  • Góð íslensku og enskukunnátta er skilyrði.

 

Í boði er spennandi starf í metnaðarfullu og lifandi háskólaumhverfi. Starfið veitir ýmis tækifæri til að sýna frumkvæði með það að markmiði að skapa framúrskarandi náms- og vinnuumhverfi fyrir nemendur.

 

Nánari upplýsingar um starfið veita Hrund Steingrímsdóttir (hrund@ru.is), skrifstofustjóri viðskiptadeildar og Sigríður Elín Guðlaugsdóttir (sigridureg@ru.is), framkvæmdastjóri mannauðs og gæða. Umsóknarfrestur er til og með 16. mars 2019 og skal umsóknum skilað á vef Háskólans í Reykjavík, http://radningar.hr.is/storf/. Farið er með allar fyrirspurnir og umsóknir sem trúnaðarmál.

 

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfagleika, alþjóðlegt umhverfi, nýsköpun og góða þjónustu. Nemendur Háskólans í Reykjavík eru um 3700 í fjórum deildum og starfa um 250 fastir starfsmenn við háskólann auk fjölda stundakennara.

 

Deila starfi
 
  • Háskólinn í Reykjavík
  • Menntavegi 1
  • 101 Reykjavík
  • Sími: 599 6200